ضاگت يا أبو صالح علينا
او نسألك الدعا يالتدري بينا
أبواب الحوايج انتو يالآل
او ما نگصد سواكم عندِّ لهوال
و تزول المحن لو كانت اجبال
قدّمناك إلى الله و ارتجينا
ضاگت يا أبو صالح علينا
إيمان المحب ليكم يجرّه
و الله كل عسر بيكم ييسره
و الله كل كسر بيكم يجبره
او كلمن ينتخي ابكم تِجونه
ضاگت يا أبو صالح علينا
نسمع بالكرامات اللي يحچون
ابصاحب الزمان ال يستغيثون
نور ابن الحسن و الله يشوفون
و بنور البصيره إيمّد إيدينه
ضاگت يا أبو صالح علينا
آه يالمنتظر يبن الميامين
نظره سيدي الكلِّ المحبّين
او نسألك الدعا بالزهرا و حسين
و بكل معضله لك ما نسينا
ضاگت يا أبو صالح علينا
@@@@@@
أبو فراس الحمراني
... نسألكم الدعاء ...