ينادي الكاظم او دمعاته يجريها ينادي الكاظم او دمعاته يجريها
######
او يبچي عالأبو و عيونه ليه حمره
او لفگد الغالي گلبه الله إيصبره
او فو گ المغتسل مصعب ترى إينظره
ترى صدر الولد يسعر عليه جمره
يهد فگد الأبو الروح يچويها
ينادي الكاظم او دمعاته يجريها
######
او خلف اجنازته ينادي يالغالي
مريره يالأبو من بعدك أحوالي
عجب تتركني يا حصني اندهش بالي
يبويه دنيتي انته أو آمالي
او دنيا ابلا ما ينگعد بيها
ينادي الكاظم او دمعاته يجريها
######
وسط ذاك اللحد يندب عليه خذني
يبويه ابهالعمر و لا تيتمني
او عن جور الدهر يوالدي ضمني
او وا حزني عليك اليوم وا حزني
او مره بعدك أيامي او لياليها
ينادي الكاظم او دمعاته يجريها
######
على گبره وگف يجري بعد دمعه
او مصيبه ما جرت مثلاتها او فجعه
رحيلك والدي دلالي إيصدعه
عليك ابدمعتي حتى الگبر بنعه
جروحي ابموتتك منهو يداويها
ينادي الكاظم او دمعاته يجريها
@@@@@
أبو فراس الحمراني
... نسألكم الدعاء ...