يبچي عليك المذهب او يبچي عليك المنبر

يبچي عليك المذهب او يبچي عليك المنبر 
 و الدِّين يا بو الكاظم گلبه عليك اتفطَّر 
ناحت عليك الشيعه و المهجه لك مدميّه
و امن الدمع وجنتها لمصيبتك مرويّه 
و الدنيا صارت لجلك يالصادق احسينيّه
يالطاهر ابن الطاهر دمع السما يتحدّر 
يبچي عليك المذهب او يبچي عليك المنبر 
محزون منبر جدّك او تسمع لوادم نوحه 
من يحيي بيه اعلومه او روحه إلك مجروحه
يوم اللي روحك راحت ويّاك راحت روحه
منبر علوم الهادي و الموتتك يتحسّر
يبچي عليك المذهب او يبچي عليك المنبر 
 و الدّين لاطم صدره يوم الذي فارگته
أحكامه كلها تندب يا جعفر او جرّحته
دلّال دين الهادي من غمّضت ذوّبته
او جبريل ليلة فگدك يبن الهواشم كبّر
يبچي عليك المذهب او يبچي عليك المنبر 
و الدنيا كلها ونّت ويلاه يا والينا
و احنا يتاما صرنا منهو يحن اعلينا
ياللي غمرنا ابعطفه او من نوره إيروّينا
مولانا صعب افراگك يبن النبي او ما نگدر 
يبچي عليك المذهب او يبچي عليك المنبر 
@@@@@@
أبو فراس الحمراني