معذور معذور يبچي الكاظم ابليله مع انهار
معذور معذور فاگد والده او صار الگلب نار
صعبه للولد ينظر لبيّه
غمّض عينه و الدمعه جريه
وينادي الولد مترد عليّه
منهو يالأبو بعدك إليّه
و ينوح و ينوح گلبي منفجع و الفكر محتار
معذور معذور يبچي الكاظم ابليله مع انهار
يا سلوه إليه من بعد عينه
ينظر والده و مدّدينه
فوگ المغتسل و الله يعينه
او عبراته على خدّه هتونه
ويلاه ويلاه حگه للولد ينهار ينهار
معذور معذور يبچي الكاظم ابليله مع انهار
من شاهد أبوه ابوسط لكفان
ظل يلطم لصدره لجله وجعان
يندب و العمر بعدك فلا كان
او لگضي هالعمر ما بين لحزان
و نعاك و نعاك ونصب للعزا في وسطه الدار
معذور معذور يبچي الكاظم ابليله مع انهار
چنّي ابنحبته من صوب گبره
ياللي تدفنه خلّيني كتره
جرحي اعلى الأبو ما ظنّي يبره
تسعر للأبو جمره اعلى جمره
مأجور مأجور فاگد الأبو جرحه فلا صار
معذور معذور يبچي الكاظم ابليله مع انهار
@@@@@@
أبو فراس الحمراني
... نسألكم الدعاء ...