گومي يزهره يا حزينه
جعفر الصادق سامينه
######
گومي من وسط الگبر يفاطمه المظلومه
ابنچ الصادق تراهي چبدته مسمومه
اليوم شالوا اجنازته يزهره يا محرومه
او عيلته او كل شيعته تبچي عليه مألومه
و اتزلزلت أرض المدينة
جعفر الصادق سامينه
######
قومي يا ام الحسن بالدمعة السياله
وانظري خلف الجنازه تبچي كل اعياله
وانظري الكاظم يزهره بعد أبوه اشحاله
منفطر على الأبو و الحالته دلاله
او يمسح ابچفينه جبينه
جعفر الصادق سامينه
######
گومي يم احسين للغالي او لطمي الصدر
نزلوه ابكل حزن ويلاه وسطة الگبر
كلها أحبابه تودعه والگلب مثل الجمر
وابنه الكاظم ينادي بعده ما ريد العمر
و الفرگته الله يعينه
جعفر الصادق سامينه
######
گومي يم لحزان سوي العزا و ابچي إله
او بالبقيع اليوم سوي يالحزينه الزلزله
إلبسي يالله العصابة گومي ويا العايله
و اندبي للي گضى عطشان في طف كربله
و مظلمه أرض المدينه
جعفر الصادق سامينه
@@@@@
أبو فراس الحمراني
... نسألكم الدعاء ...