خلي دموعك يالولد سياله
لحسين مرمي او داسته الخياله
######
يا ولدي وصيتي اسمع ليها
عاشور و ايامه فلا اتخليها
و امصيبة احسين الولي تحييها
و ادموعك اعلى المنذبح تجريها
انصب عزاه بس ما يهل إهلاله
لحسين مرمي او داسته الخياله
######
شهر المحرم من يهل بحزانه
خل الحزن فوگ الگلب عنوانه
حاير تراهو ابهالشهر مولانه
في كربله ظل ابهله او نسوانه
حتى العرش حدر دموعه ال حاله
لحسين مرمي او داسته الخياله
######
انشر لمهجة فاطمه راياته
و ارسم عليها الكافل او صولاته
او چفين مگطوعه على خيماته
و حسين محني لجله و بحسراته
او زينب تنادي ابدمعتن هماله
لحسين مرمي او داسته الخياله
######
انصب مواتم تعزيه للوالي
و ابچي لزينب نادته يالغالي
أعظم مصيبه فطرت دلالي
ذباحك ابسيفه ذبحك اگبالي
و تنوح مگدر عاليسر و هواله
لحسين مرمي او داسته الخياله
######
اهمل دموعك للوديعه الحوره
مسبيتن مغلولتن مأسورة
خلف العليل او بالحبل مجروره
من ديرتن ويا الحرم لا ديره
او يضربها بالسوط الشمر و رجاله
لحسين مرمي او داسته الخياله
@@@@@
أبو فراس الحمراني
... نسألكم الدعاء ...