أصلي گلبي بالعشگ أصلي
أصلي گلبي بالعشگ أصلي
########
أمّي ربّتني على حب النبي او عترته
و بعلي المرتضى گلبي تراهي ناغته
او فاطمه فوگ الصدر حرزن لصدري حطّته
او بالحسن و حسين كل جرح اللي بيّه داوته
او حبهم اسمي بالملا يعلي
أصلي گلبي بالعشگ أصلي
########
او مسّحت گلبي الحبيبه بالأسامي الطاهره
او صار بس حب الأيمه الوحيد ال يأسره
و اگفلت أمّي على هذا العشگ للآخره
او ما أحد من هالبشر يگدر گفلها يكسره
يجلي همي هالعشگ يجلي
أصلي گلبي بالعشگ أصلي
########
گلبي الأصلي نعم أصله أبويه و فتخر
يوم ودّاني النجف او عند الوصي سوّه النذر
او گال يوليدي نذرتك حگ علي اليوم الحشر
صير خادم حگ علي و ولاده و بطول العمر
او عگلي انجن ابعلي عگلي
أصلي گلبي بالعشگ أصلي
########
من أبويه هالوثيقه و العهد في ذمّتي
و آنه أعطيها إلى أولادي تراها غايتي
و الله و تمنّى إلهي بالحشر في وگفتي
الله يعطيني كتابي ابحب علي في يمنتي
و إلى الجنه ربي إيگلي
أصلي گلبي بالعشگ أصلي
@@@@@@
أبو فراس الحمراني
... نسألكم الدعاء ...