أبوذيات لمولد ضامن الجنّه
لغير الآل لا و الله مشهد
بالولاية و قر في كل مشهد
او ضمن لي جنّتي الضّامن بمشهد
ابن طه النبي او حامي الحميّه
########
او حگ اللي فرض للناس حَجّه
ابن موسى الرّضا عالناس حُجّه
او من زار الرّضا ابگبره وحجّه
جزاه الجنّه من الله هديّه
########
يحقّق للمحب أعظم أماني
الغزاله شافته او گالت أماني
او آمن گلبي مولانا أماني
إذا جيت الحشر ظلّل عليّه
########
لمشهد دوم گلب المحب ينشد
او حبل شوگه لشمس الكون ينشد
او من حگّه الگلب ببيات ينشد
او يمدح للرضا شمس البريّه
########
بحبّك شيعتك صارت وجيهه
علي ياللي وجيه امن الوجيهه
گلب أمّك لفرحنّه و جيهه
بأبيات الفرح هاذي المسيّه
########
إذا لعلع لساني يالله بسمه
على وجهك فرح ارسم و بسمه
او گول ال خيّك امبارك وبسمه
او تعود أوياه يا ربّي سويّه
@@@@@@
أبو فراس الحمراني
... نسألكم الدعاء ...