سمعت المدينة حنينه او ونينه
الجواد إينادي يزهرا يا حزينه
######
يشهد الباري أو گلبي ما نسسه الزهرا أبد
مثل فجعة أمي أم احسين لا ما ينوجد
ابكل بليه او كل مصيبه أنتخيها بالشدد
و گول حضري لي يزهرا فاطمه مدد مدد
او يلطم ابإيدينه ابن النبي جبينه
الجواد إينادي يزهرا يا حزينه
######
من أراضي الكاظميه للمدينه هالألم
يا الذي قط ما مثلها بالعوالم انظلم
و سأل او دمعي جرى يم الحسن كل لونه دم
اشلون عين المصطفى ويلي او حسره تنلطم
او دمعته ابعيونه فاطمه هتونه
الجواد إينادي يزهرا يا حزينه
######
الله من باب المراد اطلعت صرخه بالقهر
راحت اتنوح الزچيه او بللت ذاك الگبر
نادت او حگ الصدر منچ يرضون الصدر
آه وا حزني لضلعچ يا حزينه ينكسر
للسما إيدينه او يشتكي ولينه
الجواد إينادي يزهرا يا حزينه
######
ما نشف دمعي ييمه حتى ساعه الأجل
للجنين اللي سگط منچ ترى دمعي همل
او للمصاب اللي دهانه ابحيدره ويشگد جلل
والله تنهد الرواسي علي ينگاد ابحبل
فاجعه علينا يفاطمه اندهينا
الجواد إينادي يزهرا يا حزينه
@@@@@
أبو فراس الحمراني
... نسألكم الدعاء ...