آه يا زاير إذا تنعى الجواد
و الله تجرح الفؤاد
للمدينه للنبي بس ما تجي لزيارته
أوگف أو أشّر او ناشد بالمدامع حضرته
گول للهادي الجواد اليوم ذابت مهجته
گوم له يالمصطفى و تودعه هالليله
آه يا زاير إذا تنعى الجواد
و الله تجرح الفؤاد
و دري ما عندك علم گبر البتوله وينه
لكن ارفع صوتك ابتسمع ترى المحزونه
گول ليها يا زچيه للجواد اتجينه
اگصدي يا زهرا ليه ابدمعتن مهموله
آه يا زاير إذا تنعى الجواد
و الله تجرح الفؤاد
للبقيع انشد أو نادي للي فيها امدفنين
للحسن اندب له مرّه و ندب أولاد الحسين
گوموا گوموا الكاظميه بالنحيب او بالونين
أولاد هاشم لازم الغالي تهب و تجي له
آه يا زاير إذا تنعى الجواد
و الله تجرح الفؤاد
للنجف ياللي تزور اهناك حيدر خبّره
على ابنه امحمد او وصّف إليه ويش الجرى
او خفّف التوصيف گلبه امن الألم لا تعصره
گول له لابنه يجيه او يحضر التغسيله
آه يا زاير إذا تنعى الجواد
و الله تجرح الفؤاد
كربله بعد الزياره للولي ونصاره
ابدمعك المذروف ناده يسمع اللي زاره
او حشّم ابيمنة بعد عبّاس ويا ايساره
احسين ويا بو الفضل ويا الشباب ايجو له
آه يا زاير إذا تنعى الجواد
و الله تجرح الفؤاد
او للرضا آه للرضا ياللي ابحنين اتزوره
خبّره يا سيدي ابنك چبدته مفطوره
يا علي مخسوف هالليله تراهو نوره
گوم يا باب الحوايج و النعش له شيله
آه يا زاير إذا تنعى الجواد
و الله تجرح الفؤاد
اتراب سامراء او من تحت التراب أنواره
گول والدكم مضى او كل شيعته محتاره
يا علي يالحسن گوموا و اگصدوا له ابداره
جاكم الزاير ينادي او دمع عينه ايسيله
آه يا زاير إذا تنعى الجواد
و الله تجرح الفؤاد
الكاظميه المهدي گاعد عد ضريح الوالي
جده الكاظم ينادي ذاب آه دلّالي
لا تحشمني يزاير ونته تدري ابحالي
للجواد اللي گضى كل المهج معلوله
آه يا زاير إذا تنعى الجواد
و الله تجرح الفؤاد
سوه عزا بالكاظميه للجواد او نوحه
اتشوف أهل البيت عنده ادموعهم مسفوحه
حتى زينب عمته گصدت إله مجروحه
اتواسي أيتامه او حريمه او تبچي ويا العيله
آه يا زاير إذا تنعى الجواد
و الله تجرح الفؤاد
@@@@@
أبو فراس الحمراني
... نسألكم الدعاء ...