إلى وين يا زوار إلى وين
گالوا للجوادين
######
گاصدين الكاظميه بالألم ويا الحزن
حاملين التعزيه لحجة الله بن الحسن
بين دمعات او مناحه بين آهات او شجن
ما سكن حزن الگلب للمولى والله ما سكن
إلى وين يا زوار إلى وين
گالوا للجوادين
######
رايحين إلى الجواد اليوم نحيي امصيبته
او نرفع ابتكبير و بتهليل رحنا اجنازته
او كل أهل بغداد نسمعها تون او نادته
في أمان الله يا مولانا بس ما شالته
إلى وين يا زوار إلى وين
گالوا للجوادين
######
هالسفر للي بگى مسموم ما حد ليه حضر
غير ابنه ابن الحسن يجري دموعه المنتظر
نبغي انواسي لگلبه آه وا ويلي انكسر
و انحدر دمعه على جده مثل رش المطر
إلى وين يا زوار إلى وين
گالوا للجوادين
######
ودنه ننصب ماتمه او نبچي عليه بالفاجعه
او نلطم اعلى الراس عنده ليمن الناعي نعه
او نندب المحزوز نحره و اللي فوگ المشرعه
او نرفع أعلام الرزيه و الجواد انودعه
إلى وين يا زوار إلى وين
گالوا للجوادين
@@@@@
أبو فراس الحمراني
... نسألكم الدعاء ...