بالمدينه فاطمه نصبت عزيّه
للجواد الليله و الدمعه جريّه
بالمدينه فاطمه نصبت عزيّه
########
حنّت او ونّت حزينه بالگبر
او بيدها لزمت ضلعها المنكسر
او للجواد اگليبها مثل الجمر
او وگفت اتنّعي او منحيه الظهر
او سمعت أملاك السّما صوت الزچيّه
بالمدينه فاطمه نصبت عزيّه
نادته يا ثمر گلبي معوله
دمع عيني لجل موتك أهمله
أمّك اللي امن المصايب ناحله
ليتني بيدي لنعشك أحمله
ليتني هالليله برض الكاظميّه
بالمدينه فاطمه نصبت عزيّه
من بعد لطم العيون او عصرتي
كل صباح او كل مسيّه ابحفرتي
حگ بنيني اتقتّّلوا وا لهفتي
ما نشف دمعي ونا في حسرتي
و اسمع الشيعه تنادي ابكل رزيّه
بالمدينه فاطمه نصبت عزيّه
رسلّت دمعات تحمل له السلام
او رد إلى الزهرا السلام امن الإمام
امن البچا عين اللي فگدت ما تنام
او بالنحيب أم الحسن لا ما تُلام
او ناحت اعلى الولد نوح الرّاعبيّه
بالمدينه فاطمه نصبت عزيّه
@@@@@@
أبو فراس الحمراني
... نسألكم الدعاء ...