أبچي مصابك منفطر دلالي
مسموم يبني يلجواد الغالي
######
للكاظميه جيتك ابآهاتي
ما بين حزني أنحب ابحسراتي
وناتي لجلك بالألم وناتي
او عالي عليك النوح و الله عالي
مسموم يبني يلجواد الغالي
######
مسمومه چبدك يا الولد مسمومه
و امك الزهره تبچي لك مألومه
منك يروحي اميمتك محرومه
او مدهوش لجلك يا حبيبي بالي
مسموم يبني يلجواد الغالي
######
مطروح من فوگ السطح و تنادي
حضري ييمه او حيدره و الهادي
مجروح جيتك يا عزيزي أفادي
يا ريت تنظر بالفجيعه حالي
مسموم يبني يلجواد الغالي
######
باشيل نعشك يالولد باشيله
او فوگه بخلي دمعتي مهموله
بنصب عليك التعزيه هالليله
او تسمع ملايك السما ولوالي
مسموم يبني يلجواد الغالي
@@@@@
أبو فراس الحمراني
... نسألكم الدعاء ...