يالطالع من مكّه او حجّك خلّيته في يوم العاشر
######
يالطالع من مكّه ابتطلع يوم العاشر من عاشور
او تگصد عباس اللي امگطّع و تشوف الراسه المطبور
او تبچي يا خويه يالكافل من للوديعه او لخدور
و شلون أرجع خويه اخيامي و الظهر منّي مكسور
يالطالع من مكّه او حجّك خلّيته في يوم العاشر
######
يالطالع من مكّه ابتطلع للأكبر منِ إيناديك
و تجيه الميدان اتشوفه اموزّع بين أعاديك
و تشيله اتوصله لمخيّم و بدمعاته يبچي اعليك
و يگلّك لونّي أكدر أنهض يا بويه و فديك
يالطالع من مكّه او حجّك خلّيته في يوم العاشر
######
يالطالع من مكّه ابتطلع للجاسم تهمل لدموع
و تنظره امخضّب بدمومه و تظل للجاسم موجوع
و تحمله يالوالي الرمله و تگلها طفّي لشموع
او تطلع للشبان ابحسره وا ويلي او گلبك مفجوع
يالطالع من مكّه او حجّك خلّيته في يوم العاشر
######
يالطالع من مكّه ابتطلع و بعبدالله صوب الگوم
تطلب له شربه يسگونه او يرونه ابسهم الميشوم
ما يشرب طفلك يا وسفه ميّه او يشرب من لدموم
يالطالع من مكّه او حجّك خلّيته في يوم العاشر
######
يالطالع من مكّه ابتطلع من خيماتك و بيا حال
و تحوطك عدوانك ويلي توگع تاليها ابلرمال
و اعلى صدرك شمر ابيصعد و يدوسك وسفه ابلنعال
و يحز نحرك يا بو اسكينه و يعم الدنيا زلزال
يالطالع من مكّه او حجّك خلّيته في يوم العاشر
######
يالطالع من مكّه ابتطلع زينب تلطم بالإيدين
من خيمتها اتدوّر وينك
وتنادي يا خويه حسين
حرگوا خيماتي يبن امّي وين التجي گلّي وين
و الشمر جاني و بسوطه ورّم منّي المتنين
يالطالع من مكّه او حجّك خلّيته في يوم العاشر
@@@@@
أبو فراس الحمراني
... نسألكم الدعاء ...