على الإمام المسموم دمعاتي جريّه
او كل العزا في هاليوم للزهرا الزچيّه
على الإمام المسموم دمعاتي جريّه
بالعزا بنعاك يبن الأكرمين
او بهمل الدمعات من بعد الونين
او من أجي أقرا مصابك يالجواد
لازم أذكر بالعزا امصاب الحسين
و اشلون أنسى لحسين برض الغاضريّه
على الإمام المسموم دمعاتي جريّه
بين أبياتي عليك او بالمصاب
بذكر المظلوم مرمي اعلى التراب
و المثلث صاب گلب ابن البتول
او سوّه في گلب المحبين الصواب
روحي فدا له عطشان ظل فوگ الوطيّه
على الإمام المسموم دمعاتي جريّه
او من أعزّي بيك جدّك الرسول
او حيدر الكرّار و الزهرا البتول
لازم أندب الحسين اعلى الثرى
بعد ذبحه داست اعليه الخيول
ويلي على اللي شافت خيل الأعوجيّه
على الإمام المسموم دمعاتي جريّه
او من أخلّي الدمع لجلك يسح
بنحب اعلى احسين و دمي الجرح
ابلا غسل و بلا كفن مرمي الولي
او راسه وا ويلاه من فوگ الرمح
او البچا على احسين كل صبح او. مسيّه
على الإمام المسموم دمعاتي جريّه
@@@@@@
أبو فراس الحمراني
... نسألكم الدعاء ...