على التل الزينبي بالعايله
الوقوف إيصير عندي ابكربله
######
من يطيح ابن أمي عالرمضى جديل
بوگف اعلى التل بالهم و العويل
او بندبه يحسين و المدمع يسيل
وحدي تتركني بلا حامي او كفيل
گوم لاختك يا حسين اتوسّله
الوقوف إيصير عندي ابكربله
######
أنظره وينه وگع و بكل ألم
بخبره النيران شبّت بالخيم
او فرّت الأيتام من خلف الحرم
او من مخيمنا ترى طاح العلم
و ابنك السجّاد لعدا جو إله
الوقوف إيصير عندي ابكربله
######
بوگف اعلى التل و بلّه ابمدمعي
و اسمع المظلوم يجرح مسمعي
يختي يا زينب إلى الخيمه ارجعي
مگدر اعيونچ تشاهد مصرعي
او تبتدي الآهات ويّا المعضله
الوقوف إيصير عندي ابكربله
######
أصرخ او نيران گلبي تستعر
ذبحتك يا خوي من ذبح الخدر
او من تگلّي الزمي يختي الصبر
و ارجعي أرجع أنا السوط الشمر
و نتخي العباس راعي المرجله
الوقوف إيصير عندي ابكربله
######
بوگف اعلى التل و اصفگ باليدين
حرمه وحدي او حايره و الملجا وين
يعني زينب تنسبي أويا الظالمين
او تفگد العباس و ياه الحسين
و امشي بعد العز و آنه امغلّله
الوقوف إيصير عندي ابكربله
@@@@@
أبو فراس الحمراني
... نسألكم الدعاء ...