عمّك العبّاس يالهادي يگولون
مِثل جدّك حيدره دكّاك لحصون
######
استمع يا ولدي قصه شجاع ابكربله
و الأيمه الطاهره هذا الخبر تتناقله
وصّل العباس عمّي للي ما حد وصّله
هذا ساگي العطاشا او هذا راعي المرجله
أرعب الجيمان و بخزرات لعيون
مِثل جدّك حيدره دكّاك لحصون
######
يوصفونه بالإبا يوم الذي طب النهر
ما شرب للماي عافه نال كل عز او فخر
و نهزم كل جيش اميه من حمل ولا مفر
لو لگى بتاره واحد علمسنايه بتر
خلّه كل الجيش من ضربه يموجون
مِثل جدّك حيدره دكّاك لحصون
######
يبني الرايه و لا طاحت أبد من إيده
والعلم في يسرته و الحرب صارت عيده
او يشهد المظلوم او زينب بالوفا و بزوده
او روّى كل الدنيا عمّي بو الفضل من جوده
گالت الفرسان كلها منهو إيكون
مِثل جدّك حيدره دكّاك لحصون
######
عمّي العبّاس للمحشر تراها سيرته
بالذهب شوف الذهب مطليه كلها گبته
للسماوات العلا عله العلي الرايته
باب للحاجات عمّي للگصد له حضرته
و بضريحه كلها عشاگه يطوفون
مِثل جدّك حيدره دكّاك لحصون
@@@@@
أبو فراس الحمراني
... نسألكم الدعاء ...