الناس كلها بتحج لله ببيته الطاهر
او حجي أنا و حرامي في نينوى بالعاشر
حجي أنا ما مثله صاير بعد في العالم
والله گبل ما أحرم غسلي لحجي امن الدم
من فيض نحر أنصاري او حجي أنا بمحرم
ونظر إلى شبّاني كلهم طعين او عافر
باطوف حول الجاسم شوطن وشوف اخضابه
او باطوف حول الأكبر شوطن و شد اصوابه
او شوطن على عبدالله واشيل سهم الصابه
او باطوف حول الحوره زينب گلبها حاير
أختي الصفا و المروه عباس اهو يا شيعه
سعي أدوّر جوده و چفوفه المگطعوه
بين الصفا و المروه نفسي بگت موجوعه
ليها كسير الخاطر او لجله جريح الناظر
أما مبيتي الطيحه بعد السهم ما جاني
و اما الحجر بجبيني بين الحزن خلاني
او كل تلبياتي الزينب منها العتب ناداني
ساعه مبيتي صاير وگت الظهر بالهاجر
او رمي الجمار ابجسمي أسهامهم يرموها
او كل جثتي برماحهم و سيوف بيگطعوها
او كل المناسك كلها بيه أنا ايسوها
لكن لجل دين الله ابقتلي يشيعه صابر
او ذبحي أنا يا عالم غير الذبح بالمصرع
يذبحني شمر الطاغي و بسيفه نحري يگطع
او راسي يفصله او تالي احرامي يشيعه بنزع
حسره يرفعوا راسي ابرمحن رفيعن شاهر
@@@@@@
أبو فراس الحمراني
... نسألكم الدعاء ...