الجواد اليوم چبده امفطره
من يودي الخبر لحيدره
من يروح أرض النجف بالنائبات
او ينحب النحبه على الغالي اللي مات
او يصرخ ابنك يا علي عاف الحياة
چبدته متجرّحه من هالطغاة
من يناديه ابألم گوم احضره
من يودي الخبر لحيدره
من يصيح ابحضرته او يبچي عليه
للجواد ابنك يون متگوم إليه
وحده ما عنده من أهله اللي يجيه
گوم غمّض عينه او مدّد إيديه
منظره يكسر الخاطر منظره
من يودي الخبر لحيدره
من يهز ابكل حزن ذاك الضريح
آه وا ويلاه بالوالي او يصيح
يا جريح الراس گوم ابنك جريح
بالسموم القاتله امحمد طريح
من ينادي او مدمعه ابخده جرى
من يودي الخبر لحيدره
من يوگّف صوب راس أبو الحسن
او يندبه ابن الرضا بين المحن
وينه أمي فاطمه او حيدر يون
ميت ابغربه او بعيد امن الوطن
منهو الهادي عليه إيصبّره
من يودي الخبر لحيدره
@@@@@@
أبو فراس الحمراني
... نسألكم الدعاء ...