أبد والله ما ننسى الجوادين
نزور الكاظميّه او نبچي لحسين
######
لين ما جاك الجسد سيدي لزيارتك
راح گلبي معتني يالجواد الحضرتك
و نحنى بس ما رأى للمنارة او گبّتك
سلَم او ردت عليه يا إمامي رايتك
نناديكم او نهمل دمعة العين
نزور الكاظميّه او نبچي لحسين
######
ينعى گلبي بالألم للمصاب اللي جرى
چبدتك يبن النبي بالسموم امفطّره
وينه عنّك فاطمه و النبي خير الوره
او گلبي يندب يا علي ما تجي يحيدره
او نلطم عالصدر لجلك بليدين
نزور الكاظميّه او نبچي لحسين
######
بدل دمعي الگلب دم على امصابك نزل
يالذي فوگ السطح مرمي و الجسم انتحل
بالعطش تالي تظل آه يبن خير العمل
يالذي بالغربه عاش تالي وافاه الأجل
او گلبنا المحنتك يالغالي نصّين
نزور الكاظميّه او نبچي لحسين
######
ما نخلّي ازيارتك صغنا ويّاك العهد
يالجواد اسمع قسم هالزياره للأبد
و الحوايج تنگضي عندك او كلّ الشدد
من ندگ باب المراد او ننتخي مدد مدد
او نعزّي ابمرقدك ويّا الملايين
نزور الكاظميَه او نبچي لحسين
@@@@@
أبو فراس الحمراني
... نسألكم الدعاء ...