الوداع الوداع يا باب المراد
الوداع الوداع سيدي يا الجواد
######
لابسين اثياب سوده جينا أرض الكاظميه
ابليلة الذكرى العظيمه سيدي ننصب عزيه
دمعة امصيبة رحيلك يا لولي بالخد جريه
انعزي طه و الوصي حيدر علي ويا الزچيه
الوداع الوداع يا باب المراد
الوداع الوداع سيدي يا الجواد
######
كل مواتمنا تنادي يا أبو الهادي او تقره
و المصابك يا إمامي تسچب العبرات حسره
او من حضر نعيك يغالي يهمل ابونات عبره
و يصيح ويا الناعي صيحه آه مأجوره يزهره
الوداع الوداع يا باب المراد
الوداع الوداع سيدي يا الجواد
موكب الأحزان كله يحمل أعلام الفجيعه
او يذكر المظلوم بمصابه او ينعى للوديعه
او يبچي عالعباس وا ويلي او چفينه الگطيعه
و المواكب كلها نادت الله يا حامي الشريعه
الوداع الوداع يا باب المراد
الوداع الوداع سيدي يا الجواد
######
أوداعه الله يا الجواد او شيعتك كلها حزينه
و ظلم الكون علينا بعد عينك يا ولينه
و برحيلك يا أبو الهادي ترى أحنا اندهينا
او نصبت اعليك الزچيه العزيه بالمدينه
الوداع الوداع يا باب المراد
الوداع الوداع سيدي يا الجواد
@@@@@
أبو فراس الحمراني
... نسألكم الدعاء ...