يوم الوقوف ابكربله أعظم رزيّه
بس ما أعاين كل هلي فوگ الوطيه
دعواتي بقراها على المذبوح لكبر
لمّن أجي له بالثرى بدري تعفّر
او گلبي على شبه النبي ابني إيتفطّر
من أجمع أوصاله على الرمضى بديّه
يوم الوقوف ابكربله أعظم رزيّه
و التلبيات الحسره للعريس و ٱلام
من أنظر ابچفّه الخضاب ادمومه جسّام
او تكسر أفّادي أمّيمته في وسط لخيام
تندب إليه عرسك بيوم أويا العزيّه
يوم الوقوف ابكربله أعظم رزيّه
او باصلّي حول احزام ظهري اعلى الشريعه
بس ما أجي العباس و چفوفه گطيعه
و وگف عليه إيصيح خبّر الوديعه
تبري إليّه ذمتي بنت الزچيه
يوم الوقوف ابكربله أعظم رزيّه
بالدنيا ما واحد وگف مثلي عجيبه
ابسهم المنيه حرمله طفلي يصيبه
عطشان ويلي ما ارتوى ويش هالمصيبه
يوم الوقوف الما جرى بالغاضريه
يوم الوقوف ابكربله أعظم رزيّه
@@@@@@
أبو فراس الحمراني
... نسألكم الدعاء ...