ابكربله حجّي او في شهر المحرّم الحرام

ابكربله حجّي او في شهر المحرّم الحرام 
 ابكربله حجّي او في شهر المحرّم الحرام 
طالع ابنسواني من مكّه او گلبها منفطر
او زينب اتسايل يخويه ما تفصّل لي الخبر
گلت إليها يالوديعه هذا من الله الأمر
 وادي حـجّي غـير وادي و الـشّهر غـير الشّهر 
 ابكربله حجّي او في شهر المحرّم الحرام 
######
كل مناسكنا براضي الطفِّ يا أم الخدر
او بين شبّاني طوافي المنجدل والمعتفر
و الصّفا والمروه بين امخيّمي او شاطي النهر 
 او تـنگضي كـل هـالمناسك يـوم عاشور الظّهر 
 ابكربله حجّي او في شهر المحرّم الحرام 
######
والوگوف اشلون أوگف وحدي مكسور الظهر
او حرمله ابسهمه يصوّبني او دمّي ينفجر
يعني إحرامي أحلّه من أطيح امن المهر 
 أظل مرمي اعْلى الثّرى او يركب على صدري الشّمر 
 ابكربله حجّي او في شهر المحرّم الحرام 
######
 تالي أبگى اعلى الوطيه او خدّي بالشمس انصهر 
والچبد منّي ظميّه والگلب مثل الجمر 
ونتي عندي تنظريني و الله يعطيچ الصبر 
 تدفعين الشمر عني لين جا إيحز النحر 
 ابكربله حجّي او في شهر المحرّم الحرام 
@@@@@
أبو فراس الحمراني