يا الطالعات أوياها لبدور
او حول الهوادج ترعد اتدور
او رفرف علمها عالي منشور
متدوم إلچ باچر هالخدور
######
يا الطالعات امستره زين
ابعباس عندچ ويا لحسين
و ولاد هاشم گرة العين
سترچ ترى اتهتك الملاعين
######
يا الطالعات أوياها ارجال
متدوم و الله هاذي لحوال
باچر تظل كلها بلرمال
و انتي تسوي اعليها ولوال
######
يا الطالعات او رافعه الراس
گايد حملها تحسده الناس
حاوي الشهامه او وافي الباس
باچر ترى اتفگدين عباس
######
يا الطالعات ابگلب مرتاح
او كلما تصد نور الولي لاح
بتصير مكسورات لجناح
من تنظر الراسه على ارماح
######
يا الطالعات امبين لستار
او ليها الخدر توصف له تحتار
باچر تنخي يا حما الجار
لين الخيم شبوها بالنار
######
يا الطالعات ابگرة اعيون
او من حولها كلن يخدمون
باچر خلفها بس يركضون
عدوانها وليها يضربون
######
يا الطالعات ابكل حشيمه
ابهيبه او معزه اشگد عظيمه
لحسين معظمها او أليمه
إيودون للمجلس حريمه
######
يا الطالعات أويا الصناديد
باچر تصفگي الإيد بالإيد
اوتبچي العمر لا والله ما ريد
لمن يدخلونش على يزيد
@@@@@
أبو فراس الحمراني
... نسألكم الدعاء ...