يا جدي ذرفت اليوم دمعي
أنعي أنعي عليك اليوم أنعي
#
من سار الشمر يحدي للجمال
گلت العمّتي والدمع همّال
وصفي الجرى يا عمّه و الحال
ليش الغالي جدّي فوگ لرمال
أنعي أنعي عليك اليوم أنعي
#
دوم ابخاطري يا جدّي محفور
منظر جسمك ابلتراب معفور
او دمّك يجري من نحرك المنحور
او گدّام الضعن و الرّاس مشهور
أنعي أنعي عليك اليوم أنعي
#
مخضوب ابدماك اعلى الوطيّه
و بگلبك سهم يبن الزچيّه
مثلك ما جرى ابكل البريّه
اومرضوض الضلوع ابلعوجيّه
أنعي أنعي عليك اليوم أنعي
#
يا جدّي ندبت ابدمعة العين
بويه يا علي و بنمشي لاوين
او نترك الولي مطروح لحسين
لا غسلن و لا حصّل له تكفين
أنعي أنعي عليك اليوم أنعي
@@@@@
أبو فراس الحمراني