مسحوب ابحبل مر بينا الضعن

مسحوب ابحبل مر بينا الضعن
صوب الشريعه …. ويّا الوديعه
يروي الباقر روايه اشگد عظيمه
او يرسم ال صورة نهر حسّ ابهضيمه
يبچي نهر العلگمي و الله أليمه
او ينظر العابد أبوه خلفه حريمه
و همل دمعتي مر بينا الضعن
صوب الشريعه …. ويّا الوديعه
وجّه ابوجهه لزينب عالهزيله
او طالع ال جثة أبو فاضل جديله
او شاف في وسط الدمع هاللي يسيله
دون كافل عمّته ابرحله طويله
يشعب الگلب مر بينا الضعن
صوب الشريعه …. ويّا الوديعه
گلبه منفجع من نادت الحوره لخوها
يا أبو الغيره ترى اختك سلّبوها
او من تناديك العدا ابسوط اضربوها
و اشتموا أمها يعباس او أبوها
او صدره كالجمر مر بينا الضعن
صوب الشريعه …. ويّا الوديعه
و اصعب الٱهات يرويها ولينه
سمعت العباس زينب و بونينه
او شافت السهم الذي خاسف عينه
او نادته ضعنا يحمّاي الضعينه
و الحادي الشمر مر بينا الضعن
صوب الشريعه …. ويّا الوديعه
@@@@@@
أبو فراس الحمراني