صاح لحسين الشفيه من على ظهر المهر
جيبي عبدالله يسكنه يالله عزمنا السفر
جابته او وگفت تسايل و الدمع منها همل
ليش يا بويه بتاخذ بالسفر هذا الطفل
گلها يا سكنه انكتب خيچ تراهو ينقتل
لا تزيدين المصيبه گلبي للغالي استعر
يوم عاشر انكتب يا سكنه بيدي أحمله
او من الأعدا أطلب اشوي ماي يا بنتي إله
لكن اشبيدي يجاوبني سهم من حرمله
او فوگ إيديني يسكنه ينفجر دم النحر
آه يا بنتي العزيزه او بيه ارجع بالألم
و نتي اتطلعين مني تاخذينه للخيم
تالي اتمدين جسمه منذبح بين الحرم
و الرباب اتجي تنادي بعده ما ريد العمر
و الذي يشعل ابصدري النار و يزيد الوجع
طفل و صغير تراهو ليه دلالي انفجع
فوگ صدري يجري دم المنحر او راسه انگطع
امكسرات أضلاع صدره آه ويلي و الظهر
@@@@@
أبو فراس الحمراني
... نسألكم الدعاء ...