يبني أعظم فاجعه بالغاضريه
الشمر من جا خيام ابن الزچيه
يبني كنّا بالخيم منا المدامع هامله
او زينب ابكل الصبر تجمع يتاما العايله
و اليتاما تندب العباس راعي المرجله
او تنتخي الوالي أبو اسكينه رميه بالفلا
و بتدت قصّة هضمنا و الرزيه
الشمر من جا خيام ابن الزچيه
يبني أعظم فاجعه يدفع لزينب عمّتي
من إجا يم والدي هلّت دموع اعوينتي
صارت اتدافع عن السجّاد آه وا حسرتي
او نادت ابعباس متجيني يحامي عيلتي
يالذي بالمشرعه انهض إليه
الشمر من جا خيام ابن الزچيه
يبني من عينين زينب عمتي ادموعن تخر
أقرا بيها ريت ميته او لا أحاچي للشمر
من سمعته إيگول زينب يالله گومي لليسر
راح عزّچ بالترايب و الخدر فوگ النهر
او لازم اتروحين يا زينب سبيّه
الشمر من جا خيام ابن الزچيه
يبني نادت زينب السجّاد گوم أويا الحرم
نطلع العدوان يوليدي بحرگون الخيم
گال يا زينب نروح الوين من أهل الظلم
نگصد المظلوم لو نگصد لشيّال العلم
او كل مدامعنا على خدنا جريه
الشمر من جا خيام ابن الزچيه
@@@@@@
أبو فراس الحمراني
... نسألكم الدعاء ...