أكثر جرح آذاني
او زاد الألم و حزاني
حافيه راحت لجدّي عمّتي
حافيه راحت لجدّي عمّتي
راحت ابلا راي تصرخ وينك انته منصرع
ارتفع صوتي ينادي احسين يا خويه ارتفع
من طلعت الحومه يبن أمي ترى خدري طلع
من خيامي و العمد يحسين من بعدك وگع
منهو الذي ابيرعاني
او زاد الألم و حزاني
حافيه راحت لجدّي عمّتي
حافيه راحت لجدّي عمّتي
گام مرّه اوگع مرّه و الألم فوگ الألم
ما گدر يوصل إليها نابت ابگلبه السهم
گال يا زينب دِردِّي يا مصونه للخيم
و الله هالله باليتاما بعد عيني و الحرم
السهم هدّ أركاني
او زاد الألم و حزاني
حافيه راحت لجدّي عمّتي
حافيه راحت لجدّي عمّتي
گال يا زينب تجرحيني او صوتچ أسمعه
لا تگولي يا خليصي الخليصه امروعه
مگدر النهضه إليكم جثتي متبضعه
روحي للعباس يا زينب ابجنب المشرعه
و بكل جرح واساني
او زاد الألم و حزاني
حافيه راحت لجدّي عمّتي
حافيه راحت لجدّي عمّتي
او رسّل الونات و الآه التّلّ الزينبي
من صدر زينب لعباس يبو الغيره الأبي
أدري ما ترضى يراني عدو أو أجنبي
چيفه ترضاها يعباس لزينب تنسبي
بالمحنه لا تنساني
او زاد الألم و حزاني
حافيه راحت لجدّي عمّتي
حافيه راحت لجدّي عمّتي
@@@@@
أبو فراس الحمراني
... نسألكم الدعاء ...