يبني يا جعفر بعيني امطرّحه شفت الشباب

يبني يا جعفر بعيني امطرّحه شفت الشباب 
 روسها كلها گطيعه امصرّعه فوگ التراب 
######
 چم شباب اللي انذبح يوم الطّفوف ابكربله
او جثته فوگ الثرى ظلّت يويلي امجدّله
 هامله دمعة عيوني من أجلهم هامله
 و الصواب و الصواب 
 *روسها كلها گطيعه امصرّعه فوگ التراب
######
 على الجاسم ويح گلبي گلب رمله منفجع
شفته من فوگ الترايب نادته يالمنصرع
 او گالت ابخيمة زفافك كلّه طفّوه الشمع 
 او نوره غاب نوره غاب 
 روسها كلها گطيعه امصرّعه فوگ التراب
######
 او نظر عيني علي لكبر عمّي اللي معتفر
بالسيوف امگطّعينه او صار مخسوف البدر 
يستعر دلالي ليهم اه يجعفر يستعر 
 بالتراب بالتراب 
 روسها كلها گطيعه امصرّعه فوگ التراب
######
 چم ولد أمَه تنادي يوم شافت جثته 
ما تريد أمّك عمرها او بالبواچي حضنته 
يا الذي اتمنّت عيوني اتشوف تالي زفّته 
 گلبي ذاب گلبي ذاب 
 روسها كلها گطيعه امصرّعه فوگ التراب
@@@@@
أبو فراس الحمراني