اوداعة الله يا نعش مولانا
اوداعة الله يا نعش مولانا
######
شالوا ابنعش الولي او دمع المحب يتهامه
او جعفر الصادق ابحزنه ينتحب گدّامه
او موكب الشيعه ينادي او رفرفت أعلامه
او دين الله زادت اجروحه او بچت آلامه
طه حاضر و الوصي ويّانا
اوداعة الله يا نعش مولانا
######
سمعت الزهره ابگبرها زلزله بالوادي
گامت او لزمت ضلعها او يبني يبني اتنادي
هالأعادي مرمروني او جرّحوا لفّادي
آه وا حزني عليكم مهجتي يولادي
و العرش ينحب بعد بحزانه
اوداعة الله يا نعش مولانا
######
صلّت اعلى الباقر الشّيعه او دنت لوداعه
او واست الصّادق ابحزنه عالأبو و وجاعه
يتّمتنا ضيّعتنا او يا عظمها ساعه
من أجل فگدك ولينا شيعتك مرتاعه
او نزلوه ملحودته بكفانه
اوداعة الله يا نعش مولانا
######
و بمجالس العزا الشيعه ظلّت معوله
لابسه اثياب الحزن و الدمع منها تهمله
او تنعى لحسين الشفيه و لمصابه او مقتله
وا حسين او وا حسين او كربله يكربله
و بو سكنه الحزن عنوانه
اوداعة الله يا نعش مولانا
@@@@@
أبو فراس الحمراني
... نسألكم الدعاء ...