زينب او گلبي يبو السجّاد إحاتيك
دعوتي يوم الوقوف إنّ الله يحميك
######
الله يحميك ابأراضي الطف يمظلوم
من تجيك الگوم تترادف على الگوم
دعوتي منّك فلا إيظل گلبي محروم
دعوتي يوم الوقوف إنّ الله يحميك
######
الله لا گاله السهم في گلبك إيروح
او تنجرح و يصير گلبي اعليك مجروح
الله لا گاله و يصير ادماك مسفوح
دعوتي يوم الوقوف إنّ الله يحميك
######
أدعو ربي ابحق محمد جدي يرعاك
او يبعده ذاك الحجر خويه إذا جاك
او لا اتطيح امن الجواد ابكربله اهناك
دعوتي يوم الوقوف إنّ الله يحميك
######
رافعه اچفوفي بحق اللي اعصروها
جثتك فوگ الثرى لا يعفّروها
او يمنتك و يسرتك لا يبتروها
دعوتي يوم الوقوف إنّ الله يحميك
######
داعيه ابطبرة علي يحميه صدرك
لا يدوسنّ الشمر و يحز نحرك
و نته تنظرني ونا ابحسره أنظرك
دعوتي يوم الوقوف إنّ الله يحميك
######
أدعي الله يحفظك مولاي او ذخري
تدري من ترحل رحل ويّاك خدري
او من بعد عمرك أنا ما ريد عمري
دعوتي يوم الوقوف إنّ الله يحميك
@@@@@
أبو فراس الحمراني
... نسألكم الدعاء ...