كان الأيمة الأطهار يقيمون مجالس العزاء و يندبون أمهم الزهراء ع
سمعني أبيات الحزن يا اللي بتنعه او تقره
كل شي يهون اعلى الگلب إلا مصاب الزهره
######
وّن الإمام ابونّته و الباقر إيسمعونه
ابمجلس عزا في منزله و بدوم إيسوّونه
ناده على النّاعي او دمع يجري الولي بعيونه
اندب لأمَي فاطمه گلبي عليها ابحسره
كل شي يهون اعلى الگلب إلا مصاب الزهره
######
مات النبي او بعد النبي وسفه بگت محرومه
انعى على اعيون الذي من جدّتي ملطومه
مظلومه أمّي فاطمه او ماتت نعم مظلومه
او جرح الزچيّه للحشر ما ظن بعد له يبره
كل شي يهون اعلى الگلب إلا مصاب الزهره
######
صوت الحزن يالله ارفعه دار الوحي حرگوها
او ذيچ الوصيّه بالوصي و الزّهره ما راعوها
انعى يناعي أم الحسن بالباب هم عصروها
و ضلاع أمّي بالصدر وسفه غدت متكسره
كل شي يهون اعلى الگلب إلا مصاب الزهره
######
سمعت ملايك السّما نحبتها ويّا أونينها
من سگّط الطاغي ابحقد و برفسته لجنينها
او مهجة علي المرتضى عالبلوه الله إيعينها
ابخد الوصي حگ فاطمه ونّت تراها العبره
كل شي يهون اعلى الگلب إلا مصاب الزهره
@@@@@
أبو فراس الحمراني
... نسألكم الدعاء ...