ما عجبني إلا بطل

ما عجبني إلا بطل
علي هو خير العمل


وليد البيت علي الكرّار يسمونه
أمين ُ الله وصي المختار يوصفونه
قسيم الجنه ويا النار يذكرونه
علي الساگي على الكوثر محبينه

باب خيبر من حمل 
 علي هو خير العمل

علي بلسم على گلب الذي والاه
او علي كالسّم على گلب الذي عاداه 
و إذا تهواه بعد غيره فلا تهواه
و إذا عشگه دخل گلبك طلع كل آه 

ديني ابحبه كمل
علي هو خير العمل

علي علمه من العالم او سما ذكره
يحل كل شي او ييسّر لل يجي عسره
قضاءه بالعدل كلّه استوه ابنظره
او من يسمع جرح اسمه نعم يبره 

ارتجل كل شي ارتجل
علي هو خير العمل

أنا ما لوم من ذابوا بحب حيدر
تحبه ابأول النظره ولا تگدر 
تصد عنّه او عن حسنه فلا تصبر
إذا اتشوفه كأن حيدر بدر يزهر

ما أحد وصفه وصل
علي هو خير العمل

علي اللي نام وبد ما نام محل طه
بروحه المصطفى  روحه اللي فدّها
او الله بين بشر وملاك به يتباها
فبسم الله على روحه و مجراها

گلبي غيره ما قبل 
علي هو خير العمل

لعند الناصبي أوكف ولا أهتم
أنا مجنون بالكرّار علي الدم
أنا ابلجنان ونته روح إلى اجهنّم
او بتنعّم أنا ونته بتتألّم 

ونا ما عندي وجل
علي هو خير العمل
@@@@@
أبو فراس الحمراني