لين شالوا بالضعن منهو الجرح يتحمّله
أگول لحسين الجرى لي لو لراعي المرجله
######
منهو يگدر يسمع إني من بعد عز او دلال
آه يا عبّاس أركب فوگ لعجوف او هزال
و المصايب يا خواني اعليه مثلات الجبال
أگول لحسين الجرى لي لو لراعي المرجله
######
مدري اتصبرون لو ما تگدرون اعلى الصبر
الذي يحدي ضعنه آه يخواني زجر
و انظر الراس الحسين اشلون و لراس الگمر
أگول لحسين الجرى لي لو لراعي المرجله
######
گيدوني آنه و السجاد يخواني ابحبل
و اليتاما و النسا دمعي على حالي همل
و الله چم طفله اضربوها او روعوا چم من طفل
أگول لحسين الجرى لي لو لراعي المرجله
######
زجر يزجر ناگتي يخواني والله امألّمه
و الشمر تنظرني عينه و يسب حمّاي الحمه
روسكم تسمع إذا يشتم لأمنا فاطمه
أگول لحسين الجرى لي لو لراعي المرجله
######
منهو منكم گلبه مثلات الحديد او أخبره
الشمر بالسوط متني يا خواني حمّره
ما جرى اعلى فاگده مثل الذي بيّه جرى
أگول لحسين الجرى لي لو لراعي المرجله
######
آني زينب و الوجه أستر ترى ليه باليدين
لين أخلّيها اعلى وجهي زاد في صدري الحنين
اسم عباس ابيساري و الحسين اعلى اليمين
أگول لحسين الجرى لي لو لراعي المرجله @@@@@@ أبو فراس الحمراني
... نسألكم الدعاء ...