هذا عهدنا يحسين هذا عهدنا
للموت للموت نرفع هالعلم 🚩
للموت للموت نرفع هالعلم 🚩
########
كل شي ليه شفنا نهايه يبو سكنه ابهالدهر
إلا انته ابيوم عاشر ابتديت امن الظهر
او من وگعت العلم هذا ارتفع حتى الحشر
رفرف او مكتوب فوگه بالدما احسين انتصر
و انته مددنا يحسين و انته مددنا
للموت للموت نرفع هالعلم
للموت للموت نرفع هالعلم
########
كل سنه انجدّد عزانا او نحيي ثورة كربله
او هالعلم مرفوع يبگى او حگ دماك السايله
او نقسم ابچف الشهم عبّاس راعي المرجله
او نحمله لو سال دمنا ابكل محرّم نحمله
محّد يردنا يحسين محّد يردنا
للموت للموت نرفع هالعلم
للموت للموت نرفع هالعلم
########
عاهدت أبوتنا طه و الوصي أبو الحسن
او هالعهد وصّل إلينا ابرغم كل هم او محن
و احنا عاهدنا الزچيّه ما هو بالسر بالعلن
شيعة المظلوم نبگى او ما يغيّرنا الزمن
او من مهدنا يحسين او من مهدنا
للموت للموت نرفع هالعلم
للموت للموت نرفع هالعلم
########
رافعين الإيد كلنا من رفعنا رايته
او كل گلب يسعر لهيبه او يرتجيه ابدعوته
او كل محب لحسين يدعي حتّى ساعة دفنته
ما يفارگ ماتمه و يّا العزا او لا خدمته
ليك انوجدنا يحسين ليك انوجدنا
للموت للموت نرفع هالعلم
للموت للموت نرفع هالعلم
@@@@@@
أبو فراس الحمراني
... نسألكم الدعاء ...