روح للكاظميه ،، و انصب العزيه
&&&&&&&
كل أرض بغداد ماجت و الدمع مثل النهر
او طلعت الشيعه حزينه او بالبچى اتدگ الصدر
تنتحب لابن الرضا و الگلب منها مستعر
عظّم الله فاطمه يم الحسن ليچ الأجر
نوح هاذي المسيه ،، و انصب العزيه
&&&&&&&&
شالوا اجنازة محمد الجواد الطاهره
مات بالغربه و لا حد من أحبابه يحضره
لا أبو او لا أخو او عنده عيله تگبره
من يودي الخبر لارض النجف لحيدره
صيح ابهاذي الرزيه ،، و انصب العزيه
&&&&&&&
الله إيساعد فؤاد ابن الجواد ابمحنته
من نظر لوالده ممدود ويلي ابحفرته
صار يندب آه يبويه او فوگ خدّه دمعته
گلبي ابفرگاك بويه من يطفّي جمرته
بصفگهن إيديّه ،، و انصب العزيه
&&&&&&&
او هالوا اتراب الگبر و الشيعه كلها معوله
او صارت أرض الكاظميه اليوم ليه ابزلزله
و الصوايح بالأرض و آهات بالسبع العلا
او سوّت الليله عزاها لجله كلها كربله
او صاح خير البريه ،، و انصب العزيه
@@@@@@
أبو فراس الحمران
... نسألكم الدعاء ...