تجري من عيني ابحسره دمعتي

تجري من عيني ابحسره دمعتي
على زينب الوديعه عمّتي
 على زينب الوديعه عمّتي
######
بعد أبو سكنه او بعد أبو الفضل 
ركّبوا الحوره على ظهر الهزل
او ربّطوا إيدينها ابذاك الحبل 
او من نظرت العمّتي دمعي همل 

و الحزن ليها بصدري او ونّتي
على زينب الوديعه عمّتي
######
من مشينا وسفه في درب اليسر
منفطر گلبي عليها منفطر
آه لو طاحت أويلي أم الخدر
جاها و بلسياط لوّعها الشمر

ونا أبچي بين همّي او حيرتي
على زينب الوديعه عمّتي
######
أي جرح أوصف إليها أي جرح
جرح خلّه ادموعها كالدم تسح
تنظر الراس الولي فوگ الرمح
او في مدامعها الحچي ويا الشرح

او تندبه يحسين راحت عزّتي
على زينب الوديعه عمّتي
######
او لين يسحبها زجر تنظر إله
او تجذب الحسره او تصد الكربله
تنتخي العبّاس راعي المرجله
ما تجي لختك تراها ابمعضله

ونا ما أنسى الوديعه الموتتي
على زينب الوديعه عمّتي
######
اشلون زينب بنت علي لمخدّره
اتروح من ديره لديره اميسّره
و الله من ينظرها الله ايصبّره
وجه زينب بن دعيّه ينظره

و الحزينه اتصيح راحوا أخوتي
على زينب الوديعه عمّتي
@@@@@
أبو فراس الحمراني